તમાકુ ખાતા પહેલા જાણો તમાકુ શું કહે છે....

તમાકુ કહે છે ........

Ø તમાકુ કહે છે છોડી  દો અમને,

નહિતો હું ગળે વળગીસ તમને.

Ø ઝેરી પદાર્થો મિશ્રિત કરી બનાવે છે અમને ,

કદાચ એની ખબર નહીં હોય તમને.

Ø ચેતવણી આપું છું હું, દરેક ને તમને,

મારુ સેવન કરતાં પહેલા જોઈ લેજો અમને.

Ø બરબાદ દેવાદાર કરી નાખું છું તમને,

છતાં પણ કેમ ભાન નથી થતું તમને.

Ø ઘડી બે ઘડી નો આનંદ આપું છું તમને,

એ આનંદની મજા મોતની સજા આપશે તમને.

Ø વ્યસનની લત જો લાગી જશે તમને,

તો છોડવી બહુ મુશ્કેલ પડશે તમને.

Ø કલેસ, કંકાસ નામોશી ભોગવવી પડશે તમને,

સમાજમાં માન-મોભો ગુમાવવા પડશે તેમને.

Ø દેખા દેખી ફેશન ગણી ના અપનાવશો અમને,

કેન્સર,ટીબી,એટેક, જેવી બીમારી આપીશ તમને.

Ø ઢોર પણ દૂર રહે છે ,જોઈ અમને,

પણ આ બુધ્ધીશાળી જીવ નથી સમજતું અમને.

Ø દૂર કરી દો તમારા જીવનમાથી અમને,

ખુશ ખુશાલ જિંદગી મળશે તમને.

                                                ભગીરથસિંહ પી. દાયમા